حلفـــــان الكذب

مرحبا انا حابه اخد رايكم بشي هو حلفان بالكذب
وخاصه شباب مع بنات يعني شب لما يحلف انو هوه بحب بنت
وكمان عامه نحن احيانا نصير نحلف كذب احيانا بيضطر يكذب بس مو يحلف كذب
بس سؤال ليش حلفان كذب يعني عم تحلف برب العالمين وكذب يعني كيف صار هيك
مهما واحد اضطر يكذب بس مو يحلف ومشكله اكبر انو ننحن صرنا نحتار نصدق ولا لاء
بتمنى تعطوني رايكن سوري اذا طولت

لوسي

شكرا على موضوعك هاد

إنت قصدتي الحلفان بالله كذب صح...؟

لوسي في ناس كثير بتحلف بالله كذب مشان تنفذ شي حتى لو كان مستحيل

لوسي هي مشكلة كثير كبيرة وصعبة وللأسف صارت منتشرة بكل مكان

أصلا مجرد الكذب لحالو خطأ فشو رأيك باللي بيحلف برب العالمين

ومافي حدا يا لوسي ما بيكذب

حتى أنا وإنت واللي أكبر منا بس الله يبعدنا عن لحظة نضعف فيها ونحلف بالله مشان ننفذ حالنا من ورطة لا سمح الله

اللي بكون صادق مع حالو أولاً ومع أهلو والناس ثانياً

إنشاء الله ما بيحتاج للكذب ولا للحلفان طول عمرو

حلو ردك عموركم
كلنا نضطر نكذب بس في فرق
كذب بضرك وكذب بضر غيرك انتبه من كذب الي بضر غيرك
لانو ساعتها بتصير مشكله معقده صعب حلها بينما كذبه بضرك فالمضرور انت وكمان هي ممكن تاذيك
ومابقلك لا كلنا نضطر نكذب بس لازم ننتبه وشكرا عرد الكل

طيب لوسي أكيد الكذب شي بشع وحرام بس انا عندي سؤالوياريت الكل يجاوبوني عليه
أذا في شخص بيكذب علي دائما بس هالكذبات ما بتضر أبدا وبصراحه أنا ما بزعل لما يكذب ابدا بالعكس بحاول صلح فيه شوي شوي ودائما بحطلو أغنيه مكذبك حلو يعني انا مو متدايق من هالشي بس يا ترى في حدا متلي ما بيدايق من الكذب؟؟؟
عفوا طلعت عن الموضوع شوي بس عنجد حابب أعرف شو السر

مهند كذب انوااااااع عنجد انواع
بدك تدخل موضوع كذب بتفتحلك عده
مواضيع مع بعض يعني الو كذا مدخل مشان هيك اذا بتلاحظ كلنا عم نحكي
عن تجربه فالكذب بيتصنف حسب تجربه رد على حكيك مهند طالما شخص ماذاك
بكذبتو فخلص بتكون كذب حلوة وعفكره في كتير كذبات بتكون حلوة

شكرا يا لوسي عنجد شكرا وعلى فكره أنا اليوم اتصرفت على أساس كلامك هاد يلي كتبتيلي ياه وكانت النتائج حلوه ( بعرف يمكن ما فهمتي كتير ) بس المهم أنو كل شي منيح والحمد لله

هاي مهند
اول شي حلو موضوعك لوسي لان مرض منتشر
تاني شي حابه ئول لمهند متل لوسي الكذب انواع عنجد في كذب حلو احيانا الواحد بيضطر يكذبو احترام مشاعر الاخرين وفي كذب بيخرب بيوت وكذب مالو عذر هون كلنا مندايق من هاد الكذب
وكذب اعذاره بيبئى معناه احلى من الكذبه بذاتها
وبرجع وبايد كلام لوسي للكذب ابواب وبدك تحدد لتعرف ازا فينك تزعل منو ولا لاء
وسوري ازا طولت عليكن

لوسي ...

كلامك جواهر وألماس ...

الكذب بضل كذب سواء بيخرب بيوت أو بيسترها ...

واللف والدوران وإن ما كان كذب بشكل مباشر فهو بيبقى كذب ...

لوسي في متل عن الكزب بقول مهما كزبنا رح تنكشف الكزبه فمن البدايه احكي صارحه من لأول ولا تعبي حالك وعلى الحلفان صاير عم نحلف من عدا ما ننتبه على كل شغله سواء كان كزب ولا صدق من لاشعور عم نحلف بكل شي وهاد الشي ما بصير لأن الحلف شغله مقدسه وبس