متى نمهدي قلوبنا

عفكره هاد موضوع مهم لاي بنت اوشب
خاصه بالحب لانو معظمنا بحب دون انتباه مو لشي لانو بس يجي حب
صعب تقدر تمنعو بس حلو واحد يعرف مين بحبو اكتر ومين بيتحق قلب

انا اتوقع هيك

إلى كل من يبحث عن الحب الصادق

ويفتش عنه فى كل مكان

اجعل أمام عينيك دائماً هذا

السؤال :

من ذا الذى أفتح له قلبى؟





وحتى لا تتوه وسط القلوب

!! افتح قلبك للإنسان الذي
يعطيك ولا يسأل !

كيف؟

أو كم ؟

أو لمن؟

أو لماذا؟

أو ما المقابل ؟


يحمل على ظهره كل همومك ويدعو لك قبل نفسه
> >
يشاركك أحلامك وطموحاتك مهما كانت بعيدة أو صعبة المنال،
> >
يأخذ من ابتسامته ويرسمها على وجهك ،،
> >
يقرأ عينيك قبل لسانك ،،
> >
يصدقك بينما كل الناس تكذبك ،،
> >
يغار من الدمعة إن لامست خديك ،،
> >
يوجهك إن ضللت الطريق ،،
> >
يجعل من أذنيه ملجأً لغضبك ومن قلبه قبراً لأحزانك ،،
> >
يخاف عليك من أن تشعر بالوحدة مع شخص آخر
لا يجعلك محتاجاً له فهو دائماً إلى جانبك


يراك عظيماً وقادراً عندما ترى نفسك فاشلاً


يقسو عليك عندما تقسو على نفسك



فيأخذ من روحه ويزرعها في يديك
>



فـــإذا

وجدت هذا الإنسان
سلم له قلبك وأنت مطمئن

لوسي حياتي موضوعك رائع وبجنن وحكيك الماس
بس للاسف حبيبتي ماعاد في هاد الحب اللي عبتحكي عنو

صح وانا مع ليالي عنجد ما عاد ولا رح تلاقي هيييييييك حب
أصلا هيك الحب بأيامنا صار خيالي لأن ما بصير هاد الحب الا بالخيال بس

معلش هوه اوك معكن حق
بس لافي الي فعلا بكون بحبك ومستعد يضحي عشانك هاد بيستاهلك
والاكيد الي بيستاهلك مستحيل عذبك يوم وهدول موجوديين بس نحن بنات اغلبيتنا ننركد
ورى الي من حبن وماننتبه على الي بحبنا

لوسي شكرا الموضوع بجنن وحلو كتير بس بدي اول أنو وعفوا بهالكلمه أنو في بنات بكونوا لسا عقلهن صغير ما بيعرفوا شي وبيركدوا ورا فراغ وما بفكروا بالأشياء المهمه يلي حكيتيها وكمان في شباب هيك
بس يلي اكتشفتو بعد كل شي تجارب مريت فيها بحياتي أنو غلط أعطي قلبي لبنت يمكن أعطيها جزء منو بس كلو يمكن يكون صعب كتييير أنو يصير هيك والبنت برأيي لازم تكون هيك لنو ما حدا هالأيام بيستاهل وبصراحه يمكن أنا أول واحد عملت هيك ورح ضل اعمل هيك...
شكرا لوسي كتير موضوعك حلو

لا مهند برد الك تجارب
الي بتصير معنا مو معناتها نتطلع طلعه سوداويه على حياه اي شي بصير
معنا اطلع فيه للاجابيه عفكره كلنا نتطلع دائما على غلط غيرنا ابدا مانطلع على غلطنا
هي غلطه اكبر من الشي الي صار معك مو معناتها اذا تسرعنا شوي
نصير نطلع انو الكل هيك لا بالعكس مافي انسان مابيغلط بس ياترى نحن من فكر ليش
انسان عمل معنا هيك ممكن يكون لسبب مانعرفو غير بعدين مابقلك ممكن انت بالبدايه
هلاء مدايق موقادر تفكر كلنا هيك بس يصير معنا موضوع بنصير مستحيل نفكر بس فيك تصلح حالك لماتسمع الي حواليك اسفه طولت بس كنت حابه وضح نقطه للكل

لوسي عنجد شكرا كتييير بس انا بدي الك شي وهو أني أنا واحد من الناس مثلا ما بتأثر فيني قصه حب أو شي متل هيك لأني بصراحه بلاقي بديل بسرعه كتير مشان ما حس ولو للحظه وحده أني ضعيف والحمد لله للان ولا مره حسيت أني ضعيف بهيك موضوع ..بس في شي أنا واثق منو أنو متل ما قلتي أنت الا ما يجي يوم وكل واحد فينا يلاقي الشخص يلي فعلا ممكن يعطيه قلبو ويكون مطمن ومو خايف من شي ..وكمان متل ما قلتي افي انسان ما بيغلط واكيد انا بغلط وغيري بيغلط بس الشي الصعب لما يكون في للانسان غلط وبيعرفو وما بيقدر يصلحو لأنو الله خلقو هيك وما بيقدر يكون غير هيك
أنا اسف لوسي طولت عليكي بس كتير بحب مواضيعك وبحب ناقشك فيهن
يالله باي وشكرا للكل

هاي للشباب والصبايا ك وشكرا كتير عالموضوع الحلو كتير __ بس انا بدي أول لمهند شي مهم وهو أنو مهند أنت كلامك صح وفي شي كتير صح بس كمان أنا معلش حتى لو قدام الكل بدي أول شي وهو اني انا بعرفك وأنت ماشاء الله صحيح حلو وكتير في بنات بيتمنوا يحكوا معك وأنت فهمت شو قصدي بس مهند أنت ما بتتاثر كتير بالشي يلي بصير معك وخاصه مع البنات( قصدي اذا كنت عاليش قصه حب وانتهت) وهاد احيانا بخلي البنت تحس أنك كنت عم تتسلى .أنا بعرف أنك مو هيك بس مهند ( بس ما بعرف اذا هاد دليل أديش شخصيتك قويه ) أنا بس هاد الشي يلي بدي قولو بس أنت بتجنن وأنت بتعرف هالشي
كتيييييييييييير أنا اسفه طولت بس حبيت وضح فكره صغيره والموضوع بجنن

شكرا مهند بتمنى تفهم كلامي هلاء منيح
مودائما حلو تاخذ بسرعه بديل لاي شخص ساعتها مارح تقدر
تقعد لحالك وتفكر انت شو غلطط وغيرك شوغلط وهاد بديل اجباري بدو
يقعد ويقلك ويدافع عنك ويقلك انو انت ماغلطط فعلا انت ممكن ماتكون غلطط
بس في نقطه بين تنين مستحيل حدا يقدر جاوب عليها غير شخصين نفسن الي انتهو مع بعض
برد بقول متل ماهوه غلط ممكن تكون انت سبب للغلط ومارح هالبديل يساعدك دائما لتعرف غلط
خاصه اذا ماكان بيعرف كل شي صاير بينكم اسيل شكرا عردك
بس مو دائما لازم نايد الي قدامنا بتمنى ماتزعلي مني اسفه مهند عردي بس بحب كون صريحه مع الكل

لوسي أنا بدي رد على الموضوع مو على الردود اللي إجت

موضوعك بصراحة وبدون مجاملات حلو كثير

بس يا ترى هالشخص موجود

ولا مجرد كلام وبس

أنا يا لوسي بحس أنو وجود هيك شخص مستحيل

وإذا مو مستحيل وصار ولقيناه فتأكدي تماما أنو العلاقة ما رح تطول

لأنو المشاكل اللي لازم تصير بين الطرفين رح تقتل كل شي حلو

ولا تقولي ليش حتمت أنو يصير مشاكل لأنو هاد الواقع

مافي قصة حتى لو صداقة ما بكون فيها مشاكل

وشكرا كثير عالموضوع الحلو

Take Care...

انا بحب وضح لمهند شغله من بعد اذنك ومابدي تدايق منها
انته مانك قوي لان بتاخد بديل وقت بتحس حالك ضعفت ادام وحده بتروح على اي وحده تانيه باعتقادك انك ارتحتلها وخلص هي احسن من اللي قبلها وبتناسبك وهي بتكون الشغله بيناتكن مظاهر كل واحد مخبي عيوبو وبهالطريئه بتظلم معك ناس ماأذوك بس انته أذيتن ويمكن ماتسميها انو أذيتها الا انو قتلتها مشان تبين انك قوي مع انو هي بحد ذاتها ضعف
بينما القوي لما بمر بالتجربه وبكون ادها وبيئدر يواجهها ومايظلم غيرو او يستخدم الغير وسيط لان سدئني نهاية كل شب او بنت بتعمل بهالطريئه بيفشلو بحياتن وبضيعو
وبرجع وبئول انتو عبتحكو ب (قلب) وكل اسمو (عضله غير اراديه)
اما على عموركم بحب ئول هاد الحب موجود بس مع اللي بيسدئو بعواطفن هو نادر بس العيب من تفكيرنا ومن اخلائنا مو من الحب بذاتو
وحلو الواحد يتاثر بقصة حبو ويتعلم منها لانو مو عيب ابدا بالعكس بتكون انسان واعي وقوي
واسفه كتيير ازا طولت عليكن
وبتمنى مهند تتقبل راي وماتزعل مني لان هون نحن منكتب أفكارنا لنتناقش فيها ونحاول ننصح بعض

يا جماعه امانه لاتزعلو مني بس والله انتو عم تحكو عن الحب بطريقه ابدا موحلوه مع العلم اني ما جربتو بس معلش مهند انا مع ليالي عنجد يلي بحب عنجد ما بلاقي بديل لأن في شخص واحد بفوت على قلبك خلص بتم ما بينمحى اسمو حتى لو انفصلتو او صار ظروف قاهره ما بتنسى ممكن انك تحب شخص تاني بس رح تم هداك الشخص بقلبك لتموت
وازا عم تحكو ببديل معناها انتو أصلا حبكم لأول مو أصلي

ليالي فيروز

بعتقد إني قلت بكلامي مع لوسي أنو الموضوع مستحيل وإذا مو مستحيل فالعلاقة ما رح تطول

بتعرفي ليش

لأنو في مشاكل رح تصير غصب عن الكل

ورح تصير هالمشاكل بأسباب كثيرة أولها الكذب

وخصوصا ببداية القصة
...
..
.

ههههههههههههههههههههه
عموركم شخص ممكن يكون مستحيل ماعم الك يكون كل هالصفات
يكون جزء منها والله مافي انسان كامل ولاانا كامله ونحن ماعم نقي بندورة لتطلع كلها كويس
وطيبه لا ممكن ناخذ جزء على اقل مثلا انو يكون صريح معك يحترم رايك
اي صفات بصيطه وليالي على اقل اذا ماوجدت شخص كوني انتي جزء من
هالصفات هي شخص لانووقت تحترمي شخص الي قدامك لاشعوري رح تقدمي اي شي
تقدري عليه

طيب شكرا للكل بس أنا عندي سؤال صغير بدي الكل يجاوبني عليه ( نحن عيله وحده صح؟؟)
يعني أنا اذا كنت عايش قصه حب وانتهت هالقصه لأي سبب كان ...يعني أنا لازم ضل وعيش بالذكريات والماضي يلي رح يدايقني ...( وخصوصا لما يكون الشخص التاني يلي بنحبو وبمجرد ما بعد عنا بينسى الشي الحلو يلي كان وبينتهى الموضوع وحتى بدوسبب وبدون حتى نقاش)...أنا بعتقد أنو هيك شخص حرام حتى أتذكروا لأني عطيتو كل شي بقلبي ووبكل صدق بس هو استهان بمشاعري ونهى الأمور لوحدو ومن عندو ...ومشان هيك انا بحب كون انسان بطلع للمستقبل شوي وشوف انسانه تكون احسنمن يلي قبلها وتفهمني وافهمها ...
ولا أنتوا رأيكن لازم ضل فكر بالبيت يلي ( كنت) حبها وأبكي على أطلالها ( أنا بالعكس بحس اذا عملت هيك بكون ضعيف وأنا ما بقبل كون هيك..
أنا حابب أسمع ردودكن ووبدي تحكوا يلي بدكن ياه طيب؟؟؟
باي
مهند

هاي مهند
على فكره انا مريت بقصة حب رائعه
وكنت الطرف اللي لوسي كتبتو يعني ازا اكنت كل الموضوع فنصو
اما الطرف التاني كان متل ماكتب مهند نسي الاشياء الحلوه
نسي ايجابياتي واتزكر سلبياتي ونهاني بكلمه وتصرف وبطريقه صعبه على اي بنت
والله يسامحو من كل قلبي بس مو يعني اني حب غيرو
بالعكس انا عايشه عزكرياتو الحلوه وانسيت كلشي بشع لحتى يتم كبير بعيني ومايصغر
لاني هاد الشخص وثقت فيه وعطيتو قلبي اغلى شي بحياتي ومو ندمانه
مو بالضروره ازا انفصلنا لاي سبب كان انو نكره بعض
احلى ازا انفصلنا ونحن لسا منحب بعض وانا هيك نهيت قصتي
مهند اسمحلي الك اللي بحب مابيكره وازا صار وانفصلتو لاتبيع الذكرى الحلوه بسهوله حتى لو غيرك باعها انته عليك بحالك لحتى بعد فتره لما تلائي بنت الحلال اللي رح ترتبط فيها وئتها رح تعرف تختار منيح مو تفشل متل الاولى
وسوري ازا طولت