طلبتك لا تحاكيني عن احبابك ولا ذكراك ولا ودي تعلمني عن الماضي ولا ادري
انا ما همني الماضي ولا ايامك قبل ما القاك انا عندي بدايتنا بداية عمرك وعمري
اخيرا جيت يا وجه قضى عمري وانا استناك وجيت بصورة فاقت خيالي وحلمي العذري
حبيبي خلنا نبدى حكايتنا انا وياك قبل ما الوقت يسرقنا ولحظات الهوى تسري
انا ابغى حبنا راقي يودينا بعيد هناك لدنيا ما بها فرقا ولا كذبه ولا غدري
اذا على الوصل انا اعاهد وربي ما بيوم اجفاك لخجل بالعطى غيري وجازي صبرك وصبري
انا طمعان بوصالك وشاري بدنيتي دنياك وحكم الحب في ايدينك تبيع احساسي او تشري
اذا شاري سنين العمر ياعمري الهوى يفداك واذا بعت لا تنطق ابعرف عندها قدري
